MAKATI CITY - Tuwirang ipinahayag ni Dr. Thomas Jeffereson Hoban IV, Professor of of Sociology and Food Science sa North Carolina State University, na ang mga genetically-modified food ay walang pagkakaiba sa pagkain na kinultura sa tradisyonal na paraan.  Sa Estados Unidos, sinusuri ang mga ipinamamahaging pagkain upang alamin kung malinis ang pagkakahanda nito, at hindi kung paano pinatubo ang pinag-anihang halaman.

Ayon pa sa kilalang advocate ng biotechnology bilang isang iginagalang na sociologist, sa Estados Unidos, ang ikatlong bahagi ng lawak ng mga lupang taniman ng iba't ibang uri ng halaman na pinagkukunan ng pagkain ay mula sa binhing pinaunlad sa tulong ng genetic engineering, at sa nakalipas na anim (6) na taon, ay walang napapaulat na nagtamo ng kapinsalaang pangkalusugan dahils sa pagkain ng genetically-modified food.  Sa halip, ito ay nakatulong pang maayos na mapangasiwaan ang kalusugan ng mga mamamayan, dahilan sa nagawang sapat ang mga nutrient para sa pangangailangan ng mga taong makakain nito.

Si Dr. Hoban ay nagsalita sa Seminar on Social Acceptance of Biotechnology - Myths and Facts na ginanap sa Skytop Room ng Hotel Intercontinental Manila dito noong nakaraang Huwebes ng umaga, Setyembre 26, 2002, sa pagtataguyod ng SEAMEO SEARCA Biotechnology Information Center (BIC), ng Biotechnology Coalition of the Philippines, ng DOST-Philippine Council for Advanced Science and Technology Research and Development, at ng United States Department of Agriculture-Foreign Agriculture Service.

Nabanggit din ni Hoban na ang genetic engineering o genetic modification ay bahagi na ng larangan ng siyensya at teknolohiya sa produksyon ng pagkain, noon pa mang unang panahon, lamang, ito ay karaniwang binabanggit na makabagong pamamaraang natuklasan sa panahong nabubuhay ang nag-aaral at nananaliksik na siyentista, at tila kalakaran ding ito ay hindi kaagad matanggap ng mga bumabalangkas ng mga pambansang layunin sa panahong ito ay matuklasan.  Tulad ng napansin ni Galileo sa kalalagayan ng daigdig, na bumilang ng maraming taon bago natanggap upang ang kamalayan ay makatulong sa pag-aaral sa kalawakan na malaki ang naitulong para mapag-aralan ang panahon, na tulong para magtagumpayand industriya ng agrikultura; at maging ang paggawang matagal bago masira ang gatas o pasteurization na natuklasan ni Louie Pasteur ay tumagal ng 35 taon bago ito natanggap ng mga policy maker sa France, na nagpasigla sa milk industry ng daigdig.

Ang pagtutol sa mga "makabagong teknolohiya" ay isang kalakaran sa lahat ng panahon ayon kay Hoban, spagkat maraming hindikaagad makitang higit ang matatamong pakinabang, kaysa sa panganib na maidudulot nito, o hindi nila makuro ang benefit/risk factor na kaakibat ng lahat ng bagay.  Kalimitan pang ang mga tumutol ay mga pulitiko o tagapagtaguyod ng simulaing ideolohikal na wala namang maka-agham na batayan sa ginagawang pagtutol.

Walang ganap na ligtas na buhay na ito ayon kay Hoban na nagpahayag na siya ay isang Kristyano, sapagkat ang simpleng pagpatay ng ilaw na de-koryente ay may bantang panganib, gayon din ang pagmamaneho ng sasakyan, subalit ang lahat ay patuloy na nagpapatay ng ilaw, at nagmamaneho ng sasakyan patungosa kanilang gawain.  Ito ang katulad ng biotechnology, hindi ganap, subalit malaki ang maitutulong upang maging matatag ang sangkatauhan.